- ११ जेष्ठ २०८३, सोमबार / May 25, 2026
कालिकोट । कालिकोटको रासकोट नगरपालिका त्रिवेणी पाटन छेत्तडीमा स्की सम्बन्धी आधारभूत तालिम संचालन भएको छ ।
कर्णालीलाई साहासिक खेल पर्यटनको गन्तव्यका रुपमा विकास र स्की खेलाडी उत्पादन गर्ने उदेश्यले स्की सम्बन्धी उक्त तालिम सञ्चालन भएको हो ।
स्की सम्बन्धी आधारभूत तालिमले कर्णालीको साहसिक खेल पर्यटनमा टेवा पुग्ने पर्यटन व्यवसायी तथा कर्णाली पर्यटन उद्दमी समाजका अध्यक्ष देवीकृष्ण रोकायाले जानकारी दिनुभयो ।
उहाँले स्की तालिमको लागी सहयोग गर्ने नेपाल प्रर्यटन बोर्ड, कर्णाली प्रदेश खेलकुद विकास परिषद् लगायतलाई धन्यवाद समेत दिनुभयो । उक्त तालिम संचालनका लागि निरन्तर खट्ने स्की संघ कर्णाली प्रदेशका सचिव तथा कर्णाली पर्यटन उद्दमी समाजका सह सचिव युवा पर्यटन व्यवसायी मनराज सिमखडाको पनि सहभागिता रहेको थियो ।
हिउँको पाखामा खेलिने स्की खेलको सम्भावन नेपालमा भएपनि अन्य अरु खेल भन्दा उति चलायमान छैन। दक्ष खेलाडी उत्पादन गरी राष्ट्रिय र अन्तराष्ट्रिय स्तरमा खेलको विकास गर्दै पर्यटनसँग जोड्न सके स्कीले फड्को मार्न सक्छ सँगै स्कीमा पनि आकर्षण बढ्न सक्छ।
तालिकम कालिकोटको त्रिवेणी पाटन छेत्तडीमा फालगुन २८ गतेदेनि चैत्र ४ गतेसम्म सञ्चालन हुने आयोजको भनाई छ ।
