- २५ भाद्र २०८३, बिहीबार / Sep 10, 2026
काठमाण्डौ । डिजेल, पेट्रोल र मट्टीतेलको भाउ घटेको छ । नेपाल आयल निगमले सञ्चालक समिति बैठकको निर्णयबाट डिजेल, पेट्रोल र मट्टीतेलको भाउ घटाएको हो ।
निगमले पेट्रोलियम पदार्थको मूल्यका लागि देशका विभिन्न ठाउँहरूलाई तीन वर्गमा विभाजन गरेको छ । पहिलो वर्गमा चारआली, विराटनगर, वीरगन्ज, जनकपुर, अमलेखगन्ज, भलवारी, नेपालगन्ज र धनगढी क्षेत्र पर्छन् ।
यो क्षेत्रमा अब पेट्रोलको भाउ लिटरको १६८ रूपैयाँ ५० पैसा तथा डिजेल र मट्टीतेलको भाउ लिटरको १५५ रूपैयाँ ५० पैसा पर्नेछ । निगमले पेट्रोलको मूल्यमा प्रतिलिटर एक रुपैयाँ र डिजेल रमट्टीतेलको मूल्यमा प्रतिलिटर दुई रुपैयाँ घटाएको छ ।
खाना पकाउने एलपी ग्यासको मूल्य भने घटबढ भएको छैन । दोस्रो वर्गमा पर्ने सुर्खेत र दाङ क्षेत्रमा अब पेट्रोलको भाउ लिटरको १७० रूपैयाँ तथा डिजेल र मट्टीतेलको भाउ लिटरको १५७ रूपैयाँ पर्नेछ ।
तेस्रो वर्गअन्तर्गत काठमाण्डौ, पोखरा र दिपायल क्षेत्रमा अब पेट्रोलको भाउ लिटरको १७१ रूपैयाँ तथा डिजेल र मट्टीतेलको भाउ लिटरको १५८ रूपैयाँ पर्नेछ ।
