बी एण्ड सीले पायो एमबीबीएसको सिट

काठमाडौं । एमबीबीएस अध्यापनका लागि चिकित्सा शिक्षा आयोगले शुक्रबार कलेजहरूको सिट निर्धारण गरेको छ ।

जसमा झापाको बी एण्ड सी मेडिकल कलेजले एमबीबीएस अध्यापनका लागि ५० सिट पाएको छ ।

सर्वोच्च अदालतले आदेश दिएपछि बी एण्ड सीले काठमाडौं विश्वविद्यालयबाट सम्बन्धन पाएको थियो ।

यस्तै राप्ती र पोखरा स्वास्थ्य विज्ञान प्रतिष्ठानका लागि पनि ५०–५० सिट छुट्याइएको छ । तर दुवैका लागि अर्थ मन्त्रालयले सञ्चालन सहमति भने दिनुपर्ने शर्त रहेको छ ।