- ३० आश्विन २०८३, शुक्रबार / Oct 16, 2026
भक्तपुर । भक्तपुर अस्पताल प्रशासनप्रति अस्पतालका कर्मचारी रुस्ट बनेका छन् । कमसल खालका औजारहरु प्रयोग भइरहँदा प्रशासन पूर्णरुपमा आँखा चिम्लेर बसेको भन्दै कर्मचारी रुष्ट बनेका हुन ।
अस्पताल प्रशासनले कर्मचारीहरुलाई विभेद गर्ने गरेको र लामो समयदेखि भक्तपुर अस्पतालामा कार्यरत कर्मचारीलाई पहुँचकै आधारमा मेसुलगायत केही अमुख कर्मचारीको मिलिभगतमा पाखा लगाइएको कर्मचारीहरुको गुनासो छ । अस्पतालमा कुनै अप्ठेरो पर्दा अस्पताल प्रमुखले नै आफूलाई साझ फोन नगर्न भन्दै मोवाइलको स्वीच अफ गर्ने गरेको कर्मचारीको गुनासो छ ।
कमजोर सामानको प्रयोगले अस्पताल रिफर सेन्टरमा परिणत भएकाे कर्मचारीकाे भनाई छ । प्रमुखसामु निवेदन दिँदा समेत ध्यान नदिएको र प्रयोगशालामा प्रयोग हुने सामानले दैनिक हैरानी हुने गरेको छ । एक्सरेमा प्रयोग गरिने सामानहरु कसल हुँदा मेसिन विग्रीने गरेको उदाहरण त कति छन् कति ।
यस्तै अस्पतालमा चलिरहेका सफ्टवयरहरु परिवर्तन गरी कमिसनको खेलमा लाग्दा बिमाको रकम झ्वाम भएको भन्दै कर्मचारीहरु नै आक्राेशित बनेका छन् । भक्तपुर अस्पतालमा भएका विभिन्न घोटालाहरुमाथि घोटाला भएको छ कि छैन सम्बन्धीत निकायले छानविन गर्न कर्मचारीहरुले नै माग गरेका छन् ।
