- २ भाद्र २०८३, मंगलवार / Aug 18, 2026
भक्तपुर । जनदवाव र जनभावना अनुसार भक्तपुर अस्पतालमा पुनः डाक्टर सुमित्रा गौतम नियुक्त हुनुभएको छ । विगतमा अस्पतालको स्तरवृद्धिमा डाक्टर गौतमले खेलेको महत्वपूर्ण भूमिकालाई कदर गर्दै बागमती प्रदेश सरकारले पुनः भक्तपुर अस्पतालको मेडिकल सुपरिन्टेन्डेन्टमा नियुक्त गरेको हो ।
चौरमा घाम ताप्ने अस्पताललाई साच्चै जनताको हितमा काम गर्ने अस्पताल बनाउन डाक्टर गौतम र उनको टिम शतिशाल झै निरन्तर रुपमा खटिएकाले भक्तपुर अस्पतालको मुहार फेरीएको स्थानीयको भनाई छ ।
भक्तपुर अस्पतालमा राम्रा डाक्टरहरु भएपनि विभिन्न बहानामा राजनीतिक पहुँचको आधारा पाखालगाइएकाले क्षमतावान डाक्टरहरुलाई पुनः भक्तपुर अस्पतालमै फर्काउनु पर्ने र भक्तपुर अस्पतालाई कमाइ खाने भाडो बनाउनेलाई जनताले नै कारबाही गर्नुपर्ने स्थानीयको माग छ ।
भक्तपुर अस्पतालमा पुनः डाक्टर गौतको नेतृत्वले सफल र सक्षम अस्पताल बनाउन पहल गर्ने भएपछि केही मेडिकल माफियाहरुले आफ्नो हालीमुहाली खुस्केको भन्दै बागमती प्रदेशका मुख्यमन्त्री र स्वास्थयमन्त्रीलाई ओपन च्यालेन्ज दिदै आएकोप्रति माफिया राज अन्त्य गर्न आफूहरु भक्तपुर अस्पताललाई निरन्तर निग्रानीमा राख्ने स्थानीय युवाहरुको भनाई छ ।
भक्तपुर अस्पतालमा डाक्टर सुमित्रा गौतमलाई बुधबार बागमती प्रदेश सरकारले पुनः अस्पतालको मेडिकल सुपरिन्टेन्डेन्ट नियुक्त गरेको हो ।
