- २९ बैशाख २०८३, मंगलवार / May 12, 2026
भक्तपुर । नेपाल मजदुर किसान पार्टीका अध्यक्ष नारायणमान विजुक्छे (रोहित) ले भक्तपुर अस्पतालको अवलोन गर्नुभएको छ । अध्यक्ष विजुक्छेले भक्तपुर अस्पतालको सेवाबारे जानकारी लिदै अस्पतालको अवलोकन गर्नुभएको हो ।
उहाँले २० वर्ष अगाडि भक्तपुर अस्पताल आफू पुग्दा र सेवा लिँदाको अवस्थालाई स्मरण गर्दै अहिले धेरै परिवर्तन भएको प्रतिक्रिाया दिनुभएको भक्तपुर अस्पतालका निर्देशक डा. सुरेन्द्र प्रसाद भट्टले जानकारी दिनुभयो ।
अध्यक्ष विजुक्छेले भक्तपुर अस्पतालमा रहेका विभिन्न वार्डहरुमा निरीक्षण गर्दै विरामीहरुलाई हौसला प्रदान गर्नुभएको थियो । उहाँले आफ्नो स्वास्थ्य परिक्षणसमेत भक्तपुर अस्पतालमा गराउँनुभएको निर्देशक डा. भट्टले जानकारी दिनुभयो ।
संसदमा आफूले अस्पतालबारे आवाज उठाएको विगतलाई स्मरण गर्दै भविष्यमा अझै राम्रो बनाउँन पहल गर्नुपर्ने उहाँले सुझाव दिनुभएको डा.भट्टले बताउनुभयो ।
