- २६ भाद्र २०८३, शुक्रबार / Sep 11, 2026
सुर्खेत । भेरी करिडोरको सडक आयोजनाअन्तर्गत तल्लुस्थित भेरी नदीमा बेलिब्रिज जडानको काम अन्तिम चरणमा पुगेको छ । डोल्पा, जाजरकोट रुकुम पश्चिमलाई जोड्ने बेली ब्रिजका पाताहरू सबै जडान भएको आयोजना प्रमुख सुनिल रन्जितकारले बताए ।
पुलको ‘बेस प्लेट’ जडानको काम भने भोलिदेखि सुरु हुने जानकारी दिए । आगामी एक महिनाभित्र सम्पूर्ण काम पूरा गर्ने लक्ष्यका साथ निर्माण भइरहेको उनको भनाइ छ । पुलका निम्ति तीन करोड ८१ लख विनियोजन भएको छ ।
यो पुल तीन जिल्लाको ‘लाइफ लाइन’ मात्र नभई भारत , नेपाल र चीन जोड्ने सडकको महत्त्वपूर्ण संरचना हो । एक सय १८ किलोमिटर लामो जाजरकोट–डोल्पा सडकको ५६ किलोमिटर खण्डमा अहिले धमाधम काम तीब्र गतीमा भइरहेको छ ।
