- २३ बैशाख २०८३, बुधबार / May 6, 2026
मुख्य बुँदा
चालू आर्थिक वर्षको पहिलो महिनामा मात्रै अध्ययनका लागि १४ अर्ब ३१ करोड रुपैयाँ विदेश गएको ।
अघिल्लो वर्ष सोही अवधिमा यो खर्च १४ अर्ब ९६ करोड रुपैयाँ थियो ।
खर्च अलिकति घटे पनि विदेशिने विद्यार्थीको संख्या अझै उच्च ।
देशमै विश्वविद्यालय, कलेज रहे पनि गुणस्तर र विश्वासप्रतिको प्रश्न उठ्दै ।
शिक्षातर्फको वैदेशिक खर्चले देशको विदेशी मुद्रा भण्डारमा दबाब थपिने अवस्था ।
काठमाण्डौ, ३१ भदौ । देशमै सुविधा सम्पन्न विश्वविद्यालय र कलेज रहे पनि अध्ययनका लागि विदेशिने क्रम अझै घटेको छैन । चालू आर्थिक वर्षको पहिलो महिनामा मात्रै नेपालीहरूले १४ अर्ब ३१ करोड रुपैयाँ बराबरको रकम अध्ययनका लागि विदेशमा खर्च गरेका छन् ।
नेपाल राष्ट्र बैंकले हिजो सार्वजनिक गरेको विवरणअनुसार यो खर्च अघिल्लो वर्षको सोही अवधिभन्दा थोरै कम हो । अघिल्लो आर्थिक वर्षको पहिलो महिनामा १४ अर्ब ९६ करोड रुपैयाँ शिक्षातर्फ व्यय भएको थियो ।
शिक्षातर्फको व्ययमा थोरै कमी भए पनि नेपालबाट विदेशमा अध्ययन गर्न जाने विद्यार्थीको संख्या उच्च नै रहँदै आएको देखिन्छ । यसले भित्रै शैक्षिक संस्थाको गुणस्तर र विश्वासप्रतिको प्रश्न पनि खडा गरेको सरोकारवालाहरू बताउँछन् ।
