- २ भाद्र २०८३, मंगलवार / Aug 18, 2026
काठमाडौं । कञ्चनपुरका बिपिन जोशी सकुसल रहेका छन् । गत वर्ष अक्टोबर ७, २०२३ मा इजरायलबाट हमासको अपहरणमा परेका उनी सकुसल रहेको जनाइएको छ । उनी अब नेपाल फर्कन सक्ने नेपालका लागि इजरायली राजदूत श्मुलिक आरी बासले बताएका हुन ।
राजदूत बासका अनुसार ह्मासले इजरायल, नेपाल र अन्यदेशका गरी २५० जनाभन्दा बढी बन्धक बनाएकोमा ११७ जना पटक पटक गरी रिहा भइसकेका, केहीको मृत्यु भइसकेको र अझ १०१ जना हमासको नियन्त्रणमा रहेका छन् । हाल इजरायल र हमासबिच युद्धविराम भएको हुँदा अब बन्धकहरु रिहा हुने हुँदा बिपिन जोशीसमेत रिहा हुने उनले बताए ।
अरब श्रोतले जानकारी गराए अनुसार बिपिन जिवितै रहेको र गाजा पट्टीमा रहेको समेत उनले बताए । तर हाल उनी कुन र कस्तो अवस्थामा छन् सो भने भन्न् नसकिने, उनी अब चाँडै रिहा हुने छन् भन्ने आफूलाई आशा रहेको उनले बताए ।
हाल युद्धविराम भएको हुँदा अब रोकिएको अर्न एण्ड लर्न कार्यक्रम र केयर गिभरमा पनि नेपाली कामदार इजरायल पठाउन आफुले पहल गर्ने राजदूत बासले बताए । बास भर्खर मात्र नेपालका राजदूत नियुक्त भएर आफ्नो कार्यकाल सम्हाल्न नेपाल आएका हुन ।
सिक र कमाउ (अर्न एण्ड लर्न) कार्यक्रमअन्तर्गत इजरायल पुगेका १० नेपालीको गत वर्ष अक्टोबर ७ मा नोभा संगीत महोत्सब मनाइरहेका बेला हमासको आक्रमणमा परी निधन भएको थियो भने बिपिन जोशी अपहरणमा परेका थिए ।
