तेश्रो भक्तपुर कप फुटवल प्रतियोगिता सुरु

भक्तपुर । तेश्रो भक्तपुर कप फुटवल प्रतियोगिता महेश्वरी खेलमैदानमा सुरु भएको छ । फागुन २६ गतेसम्म हुने प्रतियोगिताको आज भक्तपुर नगरपालिकाका मेयर सुनिल प्रजापतिले उद्घाटन गरेका हुन । उदघाटन खेलमा आयोजक भक्तपुर युवा टिम गोल्मढी र दीर्घायु एफसी काठमाडौंबीच भिडन्त भएको छ ।

दोश्रो खेल पाण्डुबजार एफसी र द हेलिङ्ग होम एफसीबीच हुने छ । भोलि झौखेल युनाइटेड र सिर्जनागर एफसी बीच दिउसो एक बजे हुने छ भने त्यस्तै तीन बजे द राइजिङ्ग ग्रुप र भक्तपुर नगरपालिकाबीच हुने छ । प्रतियोगितामा कुल १६ वटा टिमहरुको सहभागिता रहेको आयोजकले जनाएको छ ।

जिल्लाका ११ वटा टिम सहभागी छन् । जसमा भक्तपुर नगरपालिकाबाट ५, सूर्यविनायक नगरपालिकाबाट ३ वटा र चाँंगुनारायण नगरपालिबाट तीन वटा टोली प्रतिस्पर्धामा सहभागी हुने अध्यक्ष केशव त्वानाबासुले जानकारी दिए । काठमाडौंका दुई, काभ्रेका दुई र ललितपुरबाट एउटा टिमको सहभागी रहेको छ ।

फुटवल प्रतियोगिता भक्तपुर नगरपालिका वडा नं ७ स्थित महेश्वरी खेल मैदानमा भइरहेको छ । प्रथम हुनेले एक लाख २५ हजार र द्वितीय हुनेले ६५ हजार नगद पुरस्कार प्राप्त गर्ने छन् ।