- १ कार्तिक २०८३, आईतवार / Oct 18, 2026
भक्तपुर । भक्तपुर साकोसले आफ्नो स्थापना दिवसको अवसरमा राष्ट्रिय रापिड रेटिङ बुद्धिचाल च्याम्पियनसिप २०८० आयोजना गर्ने भएको छ । यो नेपाल बुद्धिचाल महासंघको आधिकारिक प्रतियोगिता हो ।
यस प्रतियोगितामा वर्तमान नेपाल च्याम्पियन तथा महिला नेपाल च्याम्पियन लगायत पूर्व नेपाल च्याम्पियनहरूको सहभागिता रहने आयोजकले जनाएको छ । देशभरबाट १२० जना सहभागी हुने यस च्याम्पियनसिपमा महिला तथा विद्यार्थीहरूको उपलब्धीमूलक सहभागीता हुनेछ ।
रु १ लाख २२ हजार राशीको यस च्याम्पियनसिपमा प्रथम हुनेले २५ हजार एक, दोस्रो हुनेले १५ हजार, तेस्रो हुनेले १० हजार एक र चौथौ हुनेले रू ७ हजार नगद पुरस्कार प्राप्त गर्ने छन् । प्रतियोगितामा २६ जनालाई पुरस्कृत गरिने बताइएको छ ।
स्विस लिग प्रणाली अनुसार हुने प्रतियोगिता ९ चरणमा सकिने छ । Fide Laws of Chess को नियमानुसार रापिड प्रतियोगिता १५ मिनेट १० सेकेण्डको हुनेछ । च्याम्पियनसिप भोलि शुक्रबारबाट हुने छ ।
विहान १० बजे उद्घाटन् सुरु भइ कार्तिक १८ गते सम्पन्न हुनेछ । १८ गते नै पुरस्कार वितरणको कार्यक्रम रहेको ले खेलअवधिभर उपस्थित हुन सम्पूर्णलाई भक्तपुर साकोसले अनुरोध गरेको छ । तल्लो वर्गलाई आर्थिक रूपमा क्रियाशील बनाउन सहकारीको गठन र निर्माण भएको यस सहकारीले हरेक खेललाई निरन्तरता दिँदै आएको छ ।
सहकारी राष्ट्रिय अर्थतन्त्रको तेस्रो खम्बा भएकाले राष्ट्रको कूल उत्पादनको ३%सहकारीले योगदान गरेको जनाइएको छ । समुदायको आवश्यकता अनुसार छिटोछरिटो सेवा प्रदान गर्दै आएको यो संस्था समुदायमा आधारित सहकारीहरुमा उदाहरणीय बन्न सफल भएको छ ।
