- १६ जेष्ठ २०८३, शनिबार / May 30, 2026
काठमाडौं । तनहुँको आँबुखैरेनी गाउँपलिका–२ मा आज भएको यात्रु बस दुर्घटनामा २७ जनाको मृत्यु भएको छ । युपि ५३ एफटी ७६२३ नम्बरको भारतीय यात्रुवाहक बस सडकबाट अन्दाजी दुई सय मिटर तल मर्यस्याङ्दी नदीमा खस्दा १६ जना घाइते भएका छन् ।
घाइतेमध्ये १६ जनालाई नेपाली सेनाको हेलिकप्टरमार्फत काठमाडौँ ल्याइएको छ । महारागन्जस्थित त्रिवि शिक्षण अस्पतालमा उनीहरुको उपचार भइरहेको छ । सो बसमा चालक र सहचालकसहित ४३ यात्रु सवार रहेको सशस्त्र प्रहरी बल नेपालले जनाएको छ ।
पन्ध्र महिला र ११ पुरुष गरी २६ जनाको आँबुखैरेनी अस्पतालमा र एक बालकको चितवनस्थित अस्पतालमा उपचारका क्रममा मृत्यु भएको प्रमुख जिल्ला अधिकारी जनार्दन गौतमले बताए ।
