- १६ जेष्ठ २०८३, शनिबार / May 30, 2026
सुर्खेत । दैलेखबाट सुर्खेत आउँदै गरेको बस वीरेन्द्रनगर–१४ स्थित कटकुवामा दुर्घटना हुँदा दुई जनाको मृत्यु भएको छ ।
मृतकको पहिचान हुन नसकेको जिल्ला प्रहरी कार्यालय सुर्खेतका प्रमुख रूपेश खड्काले बताए । कर्णाली प्रदेश ०२ ००१ ख ०८५२ नम्बरको बस सोमबार दिउँसो साढे १ बजे दुर्घटना भएको हो ।
दुर्घटनामा १९ जना घाइते भएका छन् । उनीहरूको कर्णाली प्रदेश अस्पतालमा उपचार भइरहेको प्रहरीले जनाएको छ ।
घाइते १७ जनाको कर्णाली केयर हस्पिटल र २ जनाको प्रदेश अस्पतालमा उपचार भइरहेको सुर्खेतका प्रहरी प्रमुख खड्काले बताए । घटनाको थप विवरण आँउन बाँकी छ ।
