प्युठान–दिल्ली सिधाबस सेवा सुरु

स्वर्गद्वारी । प्युठानको बसपार्क टिकुरीदेखि भारतको राजधानी नयाँदिल्लीसम्म नेपाल–भारतमैत्री बस सेवा सुरु गरिएको छ ।

लुम्बिनी प्रदेश सरकार उद्योग तथा यातायातमन्त्री सरोज थापाले सेवाको एक कार्यक्रमकाबीच उद्घाटन गरे । मन्त्री थापाले यातायात क्षेत्रको व्यवस्थापनलाई सरकारले प्राथमिकतामा राखेको जानकारी दिए ।

उनले भने, ‘नागरिकले गुनासो नगर्ने गरी सेवा प्रवाह गर्न बस सञ्चालक सचेत हुनुपर्छ । उहाँले आफ्नो कार्यकालमा प्युठानमा यातायात कार्यालय स्थापना गर्ने प्रतिबद्धता व्यक्त गर्नुभयो ।’

निजी क्षेत्रको स्वर्गद्वारी गौमुखी यातायात सेवाले दैनिक दिल्ली बस सेवा सञ्चालन गरेको अध्यक्ष सुनील बस्नेतले बताए ।