- १२ जेष्ठ २०८३, मंगलवार / May 26, 2026
पाल्पा । पाल्पा सदरमुकाम तानसेन बजारमा अनुगमन तीब्र पारिएको छ । सोही क्रममा ठूलो परिमाणमा म्याद गुज्रेको चामल बरामद गरि नष्ट गरिएको छ । ८३ बोरा प्रतिबोरा २० केजीका दरले १६ सय ४० किलोग्राम करिब १ लाख ८२ हजार रुपैयाँ मूल्य बराबरको चामल बरामद गरि नष्ट गरिएको हो ।
विभिन्न बजार क्षेत्रमा दुई दिन गरेको अनुगमनमा तानसेन नगरपालिका–३, स्थित पाण्डेय किराना पसलबाट म्याद गुज्रेको चामल बरामद पछि नष्ट गरेको जिल्ला प्रशासन कार्यालय पाल्पाका शाखा अधिकृत दिनेश ज्ञवालीले बताए ।
पर्ल ब्रान्डको चामल २०८० माघदेखि ६ महिनामात्र म्याद रहेको भए पनि अहिले पनि बिक्रीका लागि राखिएको भेटिएपछि बरामद गरी नष्ट गरेको अनुगमन समितिका सदस्य मनोज घिमिरेले बताए ।
तानसेनका विभिन्न पसलमा गरेको अनुगमनमा ललीपप, टाइगर बियर, बेसन, जिरा पाउडर, बेसारलगायतका सामग्रीको म्याद गुज्रेका भेटिएकाले बरामद गरी नष्ट गरिएको जिल्ला प्रशासन कार्यालय जनाएको छ ।
