तराईका केही ठाउँमा हुस्सु र पहाडी भूभागमा मौसम बदली

काठमाण्डौ । देशका केही ठाउँको मौसम आंशिक बदली भइरहेको छ । मंगलबार देशका केही ठाउँमा मौसम आंशिक बदली भई काठमाण्डौ उपत्यकासहित अहिले बाग्मती, कोशी र गण्डकी प्रदेशका पहाडी केही भागमा मौसम बदली भएको मौसमविदुले जनाएका छन् ।

अहिले नेपालमा उल्लेखनीय मौसमी प्रणाली नरहेको मौसम पूर्वानुमान् महाशाखाले जनाएको छ भने तराईका थोरै ठाउँमा हुस्सु लागि रहेको जनाएको छ। घाम लागेपछि बिस्तारै हुस्सु हट्ने र दिउँसो सुदूरपश्चिम प्रदेशलगायत कोशी र गण्डकीका पहाडी क्षेत्रमा मौसम आंशिक बदली रहने र बाँकी धेरै ठाउँमा सफा हुने अनुमान छ ।