- ३१ आश्विन २०८३, शनिबार / Oct 17, 2026
काठमाडौं । चीनमा भूकम्पमा परि १३० जनाको मृत्यु भएका छ भने ७०० भन्दा धेरै घाइते भएका छन् ।
मंगलबार बिहान २ बजे कान्सु प्रान्तलाई केन्द्रविन्दु बनाएर ६.२ म्याग्निच्युडको भूकम्पले कान्सु र छिङहाइ प्रान्तमा ठूलो क्षति पुगेको छ ।
पिपुल्स डेली अफ चाइनाले भूकम्पमा परी १३० जनाको मृत्यु भएको जनाएको छ । भग्नावशेष मानिसहरु पुरिएको हुनसक्ने भएकाले तालिमप्राप्त कुकुरको सहयोगमा खोजी तथा उद्धार कार्य जारी छ ।
भूकम्पका कारण सडक, सञ्चार, बिजुली र खानेपानी आपूर्तिमा पनि क्षति पुगेको चिनियाँ समाचार एजेन्सीले बताउका छन् ।
छिङहाइ प्रान्तमा भन्दा कान्सु प्रान्तमा बढी क्षति पुगेको छ । गत सेप्टेम्बरमा सिचुवान प्रान्तमा ६.६ म्याग्निच्युडको भूकम्प जाँदा ६० जनाको मृत्यु भएको थियो ।
