- २२ भाद्र २०८३, सोमबार / Sep 7, 2026
मुख्य बुँदा
नेपालमा राजनीतिक अस्थिरता र आन्दोलनप्रति चीनको प्रतिक्रिया।
छिटो सामाजिक व्यवस्था र स्थिरता कायम हुने आशा।
चीन–नेपाल मित्रवत् छिमेकी सम्बन्ध पुनः दोहोर्याइयो।
नेपालस्थित चिनियाँ नागरिकलाई सुरक्षामा ध्यान दिन आग्रह।
काठमाडौँ, २६ भाद्र । चीनले नेपालमा उत्पन्न राजनीतिक अस्थिरता र आन्दोलनबीच सामाजिक व्यवस्था र राष्ट्रिय स्थिरता छिटोभन्दा छिटो कायम हुने आशा व्यक्त गरेको छ।
बुधबार आयोजित नियमित पत्रकार सम्मेलनमा चिनियाँ विदेश मन्त्रालयका प्रवक्ता लिन जियानलाई हालै नेपालमा भएको प्रदर्शन र अशान्तिबारे प्रश्न सोधिएको थियो। सो क्रममा उनले प्रधानमन्त्रीले राजीनामा दिनुपर्ने अवस्था आएको घटनाबारे पनि टिप्पणी गरेका थिए।
प्रवक्ता लिनले नेपालका सबै पक्षले आफ्ना आन्तरिक समस्याहरूलाई उचित रूपमा सम्बोधन गर्ने विश्वास व्यक्त गर्दै सामाजिक व्यवस्था र राष्ट्रिय स्थिरता कायम हुने अपेक्षा गरे।
उनले चीन र नेपाल परम्परागत रूपमा मित्रवत् छिमेकी राष्ट्र भएको उल्लेख गर्दै नेपालमा रहेका चिनियाँ नागरिकहरूको सुरक्षामा विशेष ध्यान दिन आग्रह गरे।
