- २२ भाद्र २०८३, सोमबार / Sep 7, 2026
मुख्य बुँदा:
नारायणगढ–मुग्लिङ सडक खण्डमा ठुलो पहिरो खसेर आवागमन पूर्ण रोकियो
तत्काल सडक खुल्ने सम्भावना नरहेको प्रशासनको भनाइ
यात्रुहरूलाई वैकल्पिक मार्ग प्रयोग गर्न आग्रह
ट्राफिक प्रहरी नेपाल प्रहरी र सशस्त्र प्रहरीसँग सहयोग लिन अनुरोध
जोखिम मोलेर यात्रा नगरी सुरक्षालाई प्राथमिकता दिन अपिल
चितवन, ७ असाेज । चितवन नारायणगढ–मुग्लिङ सडक खण्डमा ठुलो पहिरो खसेपछि आवागमन पूर्णरूपमा बन्द भएको छ । पहिरो ठुलो भएकाले तत्काल सडक खुल्ने सम्भावना नरहेकाे जिल्ला प्रशासन कार्यालय चितवनले जनाएकाे छ ।
सडक अवरुद्ध भएपछि प्रशासन र सुरक्षाकर्मीहरूले यात्रु तथा सवारी धनीहरूलाई वैकल्पिक मार्ग प्रयोग गर्न आग्रह गरेका छन् । वैकल्पिक मार्गका रूपमा महोत्तरीको बर्दिवास मकवानपुरको हेटौँडा रुपन्देहीको बुटवल नवलपरासी बर्दघाट सुस्ता पूर्वको कावासोती र गैँडाकोट धादिङको नौबिसे तथा तनहुँतर्फ जाने यात्रुका लागि खैरेनीटारमार्ग प्रयोग गर्न सुझाव दिइएको छ ।
प्रशासनले यात्रा अघि सडकको अवस्था बुझेर मात्र यात्रा गर्न र यात्रामा समस्या परेमा खटिएका ट्राफिक प्रहरी नेपाल प्रहरी तथा सशस्त्र प्रहरीसँग सहयोग लिन आग्रह गरेको छ ।
साथै जोखिम मोलेर यात्रा नगर्न समेत सूचनामा चेतावनी दिइएको छ । प्रशासनले आफ्नो ज्यान बचेमा पछि पनि यात्रा गर्न सकिने भन्दै यात्रुहरूको सुरक्षालाई प्राथमिकता दिन अनुरोध गरेको छ ।
