- २८ श्रावण २०८३, बिहीबार / Aug 13, 2026
काठमाडौं । पशुपतिनाथ मन्दिरमा चढाइएको भेटी चोर्ने कर्मचारी पक्राउ परेका छन् । पक्राउ पर्नेमा पशुपति क्षेत्र विकास कोषका कर्मचारी अनिल परियारसहित आठ जना रहेको कोषका प्रवक्ता रेवतीरमण अधिकारीले बताए ।
उनले भने, “मन्दिरमा चढाइएको भेटी चोरी गर्दै गर्दा सिसि क्यामेरामा कैद दृश्यले कोषका कर्मचारी परियारसहित आठ जनालाई पक्राउ गरी छानबिनका लागि प्रहरी वृत्त गौशाला पठाइएको छ ।”
पशुपतिमा बाजा बजाउने कर्मचारीलाई कोषकै पदाधिकारीले भेटी चोरी गर्न लगाएको परियारले बयान दिएका छन् । अहिले थप अनुसन्धान भइरहेको प्रवक्ता अधिकारीले बताएका छन् ।
