- २८ श्रावण २०८३, बिहीबार / Aug 13, 2026
महोत्तरी । आज बिहानदेखि भङ्गहा–जनकपुर–जयनगर रेल्वे सेवा पुनः सञ्चालन भएको छ । भारतमा जारी लोकसभा निर्वाचनका कारण उक्त सेवा बन्द भएको थियो ।
महोत्तरी र धनुषासँग सीमा जोडिएका भारतका मधुबनी र सीतामढीमा सोमबार निर्वाचन सम्पन्न भएपछि रेल सेवा प्रारम्भ भएको नेपाल रेल्वे कम्पनी लिमिटेडले जनाएको छ ।
जेठ ५ देखि ७ गते सम्म रेल सेवा बन्द हुने जानकारी सार्वजनिक सूचना प्रकाशन गरेको रेल्वे सेवाले पुनः साबिकबमोजिम जेठ ८ गतेदेखि नियमित सञ्चालनमा ल्याएको हो ।
