चितवन च्याउ खेतीमा आत्मनिर्भर बन्दै

चितवन । कालिका नगरपालिका–२ पदमपुरमा च्याउ खेतीमा आत्मनिर्भर बन्दै गएको छ । व्यावसायिक उत्पादन सुरु गरिएपछि अहिले आत्मनिर्भर बन्न थालेको हो।
१२ वटा वातावरण अनुकूलित टनेलमार्फत डल्ले च्याउको व्यावसायिक उत्पादन सुरु गरिएको हो ।

व्यावसायिक डल्ले च्याउको उत्पादन शुभारम्भ गर्दै पालिकासँगै मुलुकलाई च्याउमा आत्मनिर्भर बनाउने उद्देश्यले वातावरण अनुकूल टनेल निर्माण गरी उत्पादन सुरु गरिएको कालिका नगरपालिकाका प्रमुख विनोद रेग्मीले बताए ।

नगरपालिकाले कृषक र कृषि क्षेत्रको प्रवर्द्धन गर्न विभिन्न अनुदान, प्राविधिक, कृषि उपकरणलगायत सहयोग गरिरहेको उनले जानकारी दिए । मुलुकमा पहिले डल्ले च्याउ बाहिरबाट आउने गरेकामा अहिले यहाँको उत्पादनले धानेको सुवेदीले बताए । नेपालमा यो बाहेक १० वटा फार्मबाट डल्ले च्याउ उत्पादन हुँदै आएको छ।