- २८ श्रावण २०८३, बिहीबार / Aug 13, 2026
ऐजेन्सी । अमेरिकाबाट निष्कासित आप्रवासीहरूलाई बिना रोकतोक कोलम्बियाले स्वीकार गर्ने भएको छ । अमेरिकाले कोलम्बियामाथि शुल्क लगाउने योजना रोकेपछि उक्त सहमती भएको हो ।
ह्वाइट हाउसको विज्ञप्ति अनुसार कोलम्बियाले अब अमेरिकी सैन्य विमानहरूमा आएका आप्रवासीहरूलाई बिना कुनै सीमा र ढिलाइ स्वीकार गर्ने सहमति गरेको छ ।
कोलम्बियाले भने अमेरिकाले आफ्ना नागरिकहरूलाई सम्मानजनक रूपमा फिर्ता पठाउने सहमति जनाएको बताएको छ । राष्ट्रपति डोनाल्ड ट्रम्पले आइतवार दुई अमेरिकी सैन्य डिपोर्टेशन फ्लाइटलाई कोलम्बियामा अवतरण गर्न प्रतिबन्ध लगाएपछि कोलम्बियाली वस्तुहरूमा २५ प्रतिशत शुल्क लगाउने आदेश दिएका थिए ।
कोलम्बियाका राष्ट्रपति गुस्ताभो पेट्रोले अमेरिकी सैन्य डिपोर्टेशन फ्लाइटलाई देशमा प्रवेश गर्न रोक लगाउँदै, आप्रवासीहरूलाई सम्मान र मर्यादाका साथ फिर्ता पठाइनु पर्ने बताएका थिए।
