चीन र भारतको बीचमा डाइनामाइट फिट गर्ने प्रयत्न नगर्न कांग्रेसको चेतावनी

काठमाडौं । प्रमुख प्रतिपक्षी नेपाली कांग्रेसले दुई ठूला छिमेकी चीन र भारतको बीचमा डाइनामाइट फिट गर्ने प्रयत्न नगर्न सरकारलाई चेतावनी दिएको छ । प्रतिनिधिसभाको बिहीबार बसेको बैठकमा विशेष समय लिएर बोल्दै पूर्व परराष्ट्रमन्त्री समेत रहेका कांग्रेस सांसद एनपी साउदले सरकारले कच्चा कूटनीति गरिरहेको बताए ।

साथै चिनियाँ उप–विदेशमन्त्री नेपाल भ्रमणमा आएको बेला प्रधानमन्त्री पुष्पकमल दाहाल प्रचण्डले दिएका अभिव्यक्तिमाथि समेत साउदले प्रश्न उठाएका छन् ।
दलहरुको बीचमा साझा दृष्टिकोण बनाएर परराष्ट्र नीति सञ्चालन गर्नुपर्ने भएपनि यो दस्तावेजमा हस्ताक्षर गर्ने तयारी कुन चरणमा पुगेको छ भन्ने विषयमा प्रमुख प्रतिपक्षी कांग्रेससँग छलफल नभएको पूर्वपरराष्ट्रमन्त्री साउदले बताए ।