एकीकृत समाजवादीको वरिष्ठ उपाध्यक्ष थप्ने र केन्द्रीय कमिटी २९९ सदस्यीय बनाउने निर्णय

काठमाडौं । नेकपा (एकीकृत समाजवादी)ले वरिष्ठ उपाध्यक्ष पद थप्ने निर्णय गरेको छ । बिहीबार पार्टी कार्यालय आलोकनगरमा बसेको सचिवालय बैठकले वरिष्ठ उपाध्यक्ष पद थप गर्ने निर्णय गरेको हो । अब वरिष्ठसहित सात उपाध्यक्ष हुनेछन् । सचिव सातदेखि ९ जनासम्म हुने जनाइएको छ ।

यस्तै केन्द्रीय कमिटी २९९ सदस्य बनाउने निर्णय पनि बैठकले गरेको छ । १५१ बाट थप गरेर २९९ सदस्यीय बनाउने निर्णय बैठकले गरेको उपाध्यक्ष राजेन्द्र पाण्डेले जानकारी दिए।