- १ भाद्र २०८३, सोमबार / Aug 17, 2026
काठमाडौँ, १७ मंसिर । नेपाली कांग्रेसको क्रियाशील सदस्यता व्यवस्थापन समितिको बैठक आज बिहान ११ बजे पार्टी केन्द्रीय कार्यालय सानेपामा बस्ने भएको छ । समितिका सदस्य तथा केन्द्रीय सदस्य योगेन्द्र चौधरीले बैठक आह्वान भएको जानकारी दिएका छन् ।
पार्टीले पुस २६ देखि २८ गतेसम्म १५औँ महाधिवेशन गर्ने निर्णय गरेसँगै समितिले आवश्यक कार्यसूची, प्रक्रियागत तयारी तथा सदस्यता व्यवस्थापनका विषयमा छलफल गर्न बैठक बोलाइएको हो ।
बैठक महामन्त्री गगन थापा संयोजक रहेको समितिले बोलाएको हो । समितिमा केन्द्रीय सदस्यहरू योगेन्द्र चौधरी, सीता गुरुङ र प्रकाश रसाइली (स्नेही) सदस्यका रूपमा सहभागी छन् ।
केन्द्रीय समितिले पारित गरेको महाधिवेशन कार्यतालिकाअनुसार पुस १२ गतेसम्म सबै तहबाट केन्द्रमा विवरण आउने समयसীমा तोकिएको छ । बैठकले यही कार्यतालिका कार्यान्वयनका लागि क्रियाशील सदस्यता व्यवस्थापनसम्बन्धी प्राविधिक तथा प्रशासनिक तयारीबारे निर्णय गर्ने अपेक्षा गरिएको छ ।
