- २ भाद्र २०८३, मंगलवार / Aug 18, 2026
काठमाडौं । ललितपुरका विभिन्न स्थानबाट स्कुटर र मोटरसाइकल चोरीमा संलग्न चारजना पक्राउ भएका छन् । स्कुटर र मोटरसाइकल चोरीमा संलग्न चारजनालाई प्रहरीले पक्राउ गरेको हो ।
छुट्टाछुट्टै स्थानबाट स्कुटर र मोटरसाइकल चोरीमा संलग्न चार जनालाई प्रहरी वृत्त चापागाउँ ललितपुरबाट खटिएको प्रहरी टोलीले पक्राउ गरेको प्रहरीले जनाएको छ।
पक्राउ पर्नेहरूमा मकवानपुर बकैया गाउँपालिका–१ बस्ने १८ वर्षीय किशोर र बागमती गाउँपालिका–३ बस्ने २४ वर्षीय छविलाल बज्यु रहेका छन्। उनीहरुलाई काठमाडौं गोकर्णेश्वर नगरपालिका–४ माकलबारीबाट गत शुक्रबार चोरी भएको बागमती प्रदेश ०२–०३८ प ०३४५ नम्बरको मोटरसाइकलसहित २ जनालाई प्रहरी चौकी भट्टेडाँडा ललितपुरबाट खटिएको प्रहरीले पक्राउ गरेको हो ।
त्यसैगरी पक्राउ पर्नेमा मकवानपुर भिमफेदी गाउँपालिका–७ घर भई काठमाडौं बल्खु बस्ने २८ वर्षीय सनम मगर र मकवानपुर हेटौंडा उपमहानगरपालिका–१९ चिसापानी घर भई काठमाडौं बल्खु बस्ने २० वर्षीय शैलेश आले रहेका छन् ।
ललितपुर महानगरपालिका(१३ नख्खु सनराईज अपार्टमेण्टबाट चोरी भएको बा ९७ प ३०२ नम्बर स्कुटरसहित सनम मगर र गोदावरी नगरपालिका–१३ झरूवारासीबाट चोरी भएको बा ९५ प २८०९ नम्बरको स्कुटरसहित शैलेश आलेलाई प्रहरीले पक्राउ गरेको हो। उनीहरूउपर जिल्ला अदालत ललितपुरबाट ७ दिन म्याद थप अनुमति लिई थप आवश्यक अनुसन्धान भइरहेको प्रहरीले जनाएको छ।
