- २७ असार २०८३, शनिबार / Jul 11, 2026
काठमाडौं । सीटीईभीटीका उपाध्यक्ष ओमप्रसाद बरालको नियुक्ति निर्णय बदर गर्न सर्वोच्च अदालतले आदेश दिएको छ।
प्राविधिक शिक्षा तथा व्यावसायिक तालिम परिषद् उपाध्क्ष बरालको नियुक्ति प्रधानन्यायाधीश प्रकाशमानसिंह राउत र न्यायाधीश नृपध्वज निरौलाको इजलासले बदर गर्न आदेश दिएको हो ।
प्राविधिक शिक्षा एवं व्यावसायिक तालिमको क्षेत्रमा १५ वर्ष काम गरेकाहरू मात्रै योग्य हुने व्यवस्था रहेकामा कम योग्यता भएको व्यक्तिलाई सिफारिस गरिएको भनी सर्वोच्च अदालतमा रिट निवेदन दर्ता भएको थियो।
सरकारले मंसिर ६ गतेको मन्त्रिपरिषद्बाट नियुक्त गर्ने निर्णय गरेको थियो । नियुक्तिको सिफारिस हुनासाथ बरालको योग्यतामाथि प्रश्न उठेको थियो।
