सुनकोशीमा भेटियो गाडीका चालकको शव

काठमाडौं । भोटेकोशी नदीमा बोलेरो जिपसहित बेपत्ता भएका चालकको शव फेला परेको छ ।

भदौ २८ गते सिन्धुपाल्चोकको बाह्रबिसे नगरपालिका–६ ढुंगाखानीस्थित सडकबाट बोलेरो जिप भोटेकोशीमा खसेको थियो । उक्त गाडीका चालक भोटेकोशी गाउँपालिका–५ का सानु तामाङको शव सशस्त्रको टोलीले सोमबार सिन्धुलीको फिक्कल गाउँपालिका–६ स्थित सुनकोशी नदीबाट निकाले हो ।

तामाङको शव उनका आफन्तले सनाखत गरिसकेको प्रहरीले जनाएको छ । शव पोष्टमार्टमका लागि धुलिखेल अस्पतालमा राखिएको छ ।