आजदेखि रास्वपाको राष्ट्रिय भेला

काठमाडौं । राष्ट्रिय स्वतन्त्र पार्टीको पहिलो राष्ट्रिय भेला आजदेखि सुरु हुँदैछ । प्रज्ञा प्रतिष्ठान कमलादीमा सुरु हुने भेला भोलि बुधबारसम्म चल्नेछ । भेलामा विचार, संगठन, संसदीय मामिला, अभियान, मूल्य मान्यता, उम्मेदवार क्लब, लिडरसिप एकेडेमी, विधान संशोधन लगायतका एजेन्डामा छलफल हुने रास्वपाले जनाएको छ ।

भेलामा सभापति रवि लामिछानेले राजनीतिक प्रतिवेदन पेस गर्ने, कार्यवाहक महामन्त्री एवम् संगठन विभाग प्रमुख बुर्लाकोटीले सांगठनिक प्रतिवेदन पेस गर्ने बताइएको छ । भेलाबाट राष्ट्रिय अभियान तथा प्रथम महाधिवेशनको मिति तय हुने बुझिएको छ । भेलामा देशभरबाट १५०० बढी प्रतिनिधिको सहभागीता रहने रास्वपाले जनाएको छ ।

निर्वाचन क्षेत्र समिति, जिल्लाका संयोजक, उपसंयोजक, प्रदेश समिति, विभाग, केन्द्रीय समिति, विभाग तथा आयोगहरूबाट प्रतिनिधित्व रहनेछ ।
भेलाले नीतिगत, वैचारिक, सांगठनिक रुपले रास्वपालाई थप परिपक्व र स्पष्टता प्रदान गर्ने रास्वपाले अपेक्षा राखिएको छ ।