- २१ कार्तिक २०८३, शनिबार / Nov 7, 2026
बागमती । मकवानपुरको हेटौँडा उपमहानगरपालिका१ गोरक्षेश्वर मन्दिर नजिकै ग्याँस बुलेटको ठक्करबाट साइकलयात्रीको मृत्यु भएको छ ।
थानाभर्याङतर्फ जाँदै गरेको एनएल ०१ एल ९०२६ नम्बरको ग्यास बुलेटले ठक्कर दिँदा साइकलयात्री भक्तपुरको सुँडाल घर भई हेटौँडा उपमहानगरपालिका ११ थानाभर्याङ बस्ने ६० वर्षीय रमेश पाण्डेको मृत्यु भएको प्रहरीले जनाएको छ ।
ठक्करबाट गम्भीर घाइते पाण्डेलाई उपचारका लागि हेटौँडा अस्पताल लैजाने क्रममा बाटोमै मृत्यु भएको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक लक्ष्मी भण्डारीले बताए । प्रहरीले बुलेट र चालकलाई नियन्त्रणमा लिइ अनुसन्धान थालेको छ ।
