पिकअपको ठक्करबाट महिलाको मृत्यु

विराटनगर । पूर्व–पश्चिम लोकमार्गअन्तर्गत मोरङको कानेपोखरी गाउँपालिका–७ मा टाटा पिकअप गाडीको ठक्करबाट एक जना महिलाको मृत्यु भएको छ । मृतक महिलाको पहिचान खुलेको छैन ।

पूर्वबाट पश्चिमतर्फ आउँदै गरेको प्रदेश ३–०१–०२४ च ७३७७ नम्बरको पिकअपले पैदलयात्री महिलालाई राति ठक्कर दिएको थियो । गम्भीर घाइते भएकी अन्दाजी ४५ वर्षीया महिलालाई उपचारका लागि उर्लाबारीको मंगलबारेस्थित मदन भण्डारी अस्पताल एवं ट्रमा सेन्टर लगिएको थियो ।

ट्रमा सेन्टर पुर्‍याउनसाथ चिकित्सकले मृत घोषित गरेको प्रहरीले जनाएको छ । शवलाई पोस्टमार्टमका लागि सोही अस्पतालमा राखेर मृतकको पहिचानको प्रयास भइरहेको इलाका प्रहरी कार्यालय पथरीका डीएसपी गणेश श्रेष्ठले बताए ।