कैलालीमा एक जना युवक मृत फेला

काठमाडौं । कैलालीमा एक जना युवक मृत भेटिएका छन्। धनगढीको हसनपुरमा डेरा गरी बस्दै आएका अछामको चौरपाटी गाउँपालिका २ का १७ वर्षीय विरमल साउँद झुण्डिएको अवस्थामा मृत फेला परेका हुन्।

धनगढी उपहानगरपालिकाको जाली सामुदायिक वनमा उनी झुण्डिएको अवस्थामा फेला परेको जिल्ला प्रहरी कार्यालय कैलालीले जनाएको छ।

उनी बुधबार साँझ साथीको घरमा जान्छु भनेर कोठाबाट निस्केका थिए। बिहीबार बिहान झुण्डिएको अवस्थामा फेला परेको कैलाली प्रहरीका प्रवक्ता कविन्द्र बोहराले जानकारी दिए।