युक्रेनद्वारा रुसमा ठुलो कारबाही, दोस्रो पुल ध्वस्त पारेको दाबी

एजेन्सी। युक्रेनले रुसको दोस्रो रणनीतिक पुल ध्वस्त बनाएको बताएको छ । युक्रेनको सेनाले आइतबार पुल ध्वस्त बनाएको जनाएको हो । युक्रेनी सेना पुल ध्वस्त बनाएको भिडियो समेत सार्वजनिक गरेको छ ।

रुसको कुर्स्क क्षेत्रमा आफ्नो आक्रमण जारी राखेको युक्रेनले जनाएको छ । सन् २०२२ मा रुसले युक्रेनमाथि सैन्य कारबाही सुरु गरे यता युक्रेनले रुसमा अहिलेसम्मकै ठुलो कारबाही गरिरहेको जनाएको छ ।

यसअघि युक्रेनले सेयम नदीमा बनेको अर्को पुल पनि ध्वस्त बनाएको थियो । सो पुल ग्लुसकोभोमा रहेको थियो । उक्त पुललाई रुसी सेनाले प्रयोग गर्ने गरेको दाबी गरिएको छ । युक्रेनी राष्ट्रपति भ्लोदोमिर जेलेन्स्कीले रुसी आक्रमणलाई विफल पार्न बफर जोन निर्माण गर्ने लक्ष्य रहेको जनाएका छन् ।