किसानको बारीबाट थालिमा पस्किने, खानामा डायमण्ड हिलको प्रसिद्धि

काभ्रे । काभ्रेको पनौती चामखरस्थित डायमण्ड हिल रिसोर्टले स्थानीय उत्पादनलाई प्राथमिकता दिएको छ । आलुका लागि प्रसिद्ध पनौती क्षेत्रमा रहेको रिसोर्टले स्थानीय किसानले उत्पादन गरेको तरकारी लागायत विभिन्न उत्पादनहरुलाई खानका परिकार बनाउन प्राथमिकता दिएको हो । पनौती नगरपालिकाको कुशादेवी क्षेत्र कृषिका लागि उर्वर क्षेत्र भएकाले तरकारी किन्न बजार जान नपर्ने पर्यटन व्यवसायी, समाजसेवी, डायमण्ड हिल रिसोर्टका (CEO)  तथा सञ्चालक राजन थापाले जानकारी दिनुभयो ।

उहाँले स्थानीय किसानले उत्पादन गरेका उत्पादनहरु आफ्नो रिसोर्टले किन्ने गरेकाले पनि यहाँ आउने पर्यटकहरुलाई अर्गानिक खानाको स्वाद दिन सकेको बताउँनुभयो । पर्यटहरुलाई स्थानीय किसानको बारीबाटै तरकारी लगायत दुधजन्य पदार्थ समेत रिसोर्टले खरीद गरी बारीबाट सिधै थालीमा पुर्‍याउने भएकाले पनि आफ्नो रिसोर्टले सबैको मन जित्न सफल भएको थापाले बताउनुभयो ।
स्थानीय किसानहरुको बारीमा फलेको मूला, काउली, टमाटर, फलफुल तथा दुधलगायत सिधै डायमण्ड हिल रिसोर्टमा जाने गरेको छ । किसानले उत्पादन गरेको तरकारी,फलफुल दुधजन्य पदार्थ पनौती क्षेत्रकै प्रसिद्ध र सबैको रोेजाइमा पर्न सफल डायमण्ड हिल रिसोर्टले खरिद गर्दा आफूहरुलाई खुशी लागेको स्थानीय किसानको भनाई छ ।

यहाँ डायमण्ड हिल रिसोर्ट सञ्चालनमा आएपछि आफूहरुलाई तरकारी, फलफुल लगायतका कृषि उत्पादनहरु अन्त विक्रि वितरण गन जानु नपरेको स्थानीयले बताए । रिसोर्ट र स्थानीयको सुमधुर सम्बन्धले गर्दा वृक्षारोपण, बोटो निर्माण लगायतका विकास निर्माणका कार्यमा स्थानीयको व्यापक सहभागिता र श्रमदान समेत हुने गरेको छ ।