- ७ आश्विन २०८३, बुधबार / Sep 23, 2026
काठमाडौं । मेलम्ची बाढीमा भएको क्षतिबारे तथ्यांक सार्वजनिक भएको छ । सिन्धुपाल्चोकको मेलम्ची खोलामा साढे दुई वर्षअघि आएको बाढी र पहिरोले प्रति घरधुरी सत्तरी लाख रुपैयाँ बराबरको आर्थिक क्षति भएको तथ्यांक सार्वजनिक भएको हो । बाढीले प्रत्यक्ष हानी नोक्सानी भन्दा बढी गैर आर्थिक हानी नोक्सानी गरेको अध्ययनले देखाएको छ ।
गैर आर्थिक हानी नोक्सानी तथ्यांक यसमा समेटिएको छैन । अध्ययनले समुदायमा मनोसामाजिक समस्या पनि देखाएको छ । प्रभावित भएका ८५ प्रतिशत घरधुरीमा समस्या देखिएको अध्ययनले देखाएको छ ।
काठमाडौंमा आयोजित कार्यक्रममा सार्वजनिक गरिएको अध्ययन प्रतिवेदन अनुसार क्षति भएका घर, जमिन, खेतीबाली, ब्यापार र स्थानीय पीडितले लिएको बैंक ऋण समेतको हिसाब गर्दा मेलम्ची नगरपालिका र हेलम्बु नगरपालिकामा प्रति धरधुरी ७० लाख रुपैयाँ बराबरको क्षति भएको तथ्यांक आएको हो ।
मेलम्ची नगरपालिका र हेलम्बु नगरपालिकाले दिएको तथ्यांक र पीडितको घरदैलोमै पुगेर गरिएको सर्वेक्षणले प्रतिघरधुरी करिव ७० लाख बराबरको आर्थिक हानी नोक्सानी भएको देखाएको अनुसन्धानले देखाएको हो ।
