- ८ बैशाख २०८३, मंगलवार / Apr 21, 2026
डोल्पाको काइगाउँमा शुक्रबारदेखि लगातार भारी हिमपात
यातायातका साधन पूर्ण रूपमा ठप्प
बाहिर आवतजावत गर्न कठिनाइ
अत्यधिक चिसो बढ्दा स्थानीय जनजीवन प्रभावित
स्थानीय बासिन्दा घरभित्रै बस्न बाध्य
डोल्पा, १० माघ । डोल्पाको काइगाउँमा शुक्रबारदेखि जारी भारी हिमपातका कारण जनजीवन प्रभावित भएको छ। शुक्रबार रातिदेखि निरन्तर हिमपात भइरहेकाले यातायातका साधनहरू ठप्प भएका छन् भने बाहिर आवतजावत गर्नसमेत कठिनाइ भएको छ।
लगातार परेको हिमपातका कारण स्थानीय बासिन्दाहरू घरभित्रै बस्न बाध्य भएका छन्। अत्यधिक चिसो बढेसँगै दैनिक जनजीवन समेत प्रभावित भएको स्थानीयले बताएका छन्।
हिमपातका कारण सडकमा हिउँ जम्दा सवारी साधन सञ्चालनमा समस्या आएको छ भने बालबालिका, वृद्धवृद्धा तथा बिरामीहरू बढी प्रभावित भएका छन्। चिसोबाट जोगिन स्थानीयवासी आगो तापेर र घरभित्रै सीमित भएर बस्नुपरेको छ।
