- ५ आश्विन २०८३, सोमबार / Sep 21, 2026
भक्तपुर । पानीको बाल्टिनमा डुबेर भक्तपुरमा एक बालिकाको मृत्यु भएको छ । सिन्धुपाल्चोक बाह्रबिसे नगरपालिका वडा नं २ घर भई हाल सूर्यविनायक नगरपालिका वडा नं १० चित्तापोल बस्दै आएकी नेलिस्ता बस्नेत खेल्ने क्रममा अचानक २० लिटर पानी भएको प्लास्टिकको बाल्टिनमा डुबेकी हुन ।
११ महिनाकी बस्नेतको तत्कालै उपचारका लागि ख्वप अस्पताल च्यामासिंह लगिएकोमा उपचारकै क्रममा मृत्यु भएको प्रहरी परिसर भक्तपुरका प्रहरी नायव उपरिक्षक (डिएसपी) राजन कार्कीले बताए । शव पोष्मार्टमका लागि काठमाण्डौं मेडिकल कलेज दुवाकोट लगिएको छ ।
प्रहरी वृत जगातीबाट अनुसन्धान अधिकृत सहितको प्रहरी टोली खटिई घटनास्थलको प्रारम्भिक अनुसन्धान गरिरहेको छ । घटनाको थप अनुसन्धान कार्य भईरहेको डिएसपी कार्कीले बताए ।
