- ५ आश्विन २०८३, सोमबार / Sep 21, 2026
काठमाण्डौ । पछिल्लो १२ घण्टामा सबैभन्दा धेरै सप्तरीको रुपनी बजारमा १ सय ८६ दशमलव ६ मिलिमिटर वर्षा मापन गरिएको छ । देशका विभिन्न ठाउँमा अहिले मध्यमदेखि ठूलो वर्षा भइरहेको जल तथा मौसम पूर्वानुमान महाशाखाले जनाएको छ ।
महाशाखाकाअनुसार मनसुनको न्यून चापीय रेखा नेपालतर्फ सर्ने क्रममा रहेकाले गएरातिदेखि देशका धेरै ठाउँमा पानी परेको हो ।मोरङको हरैचा, सिन्धुपाल्चोकको बाहुनेपाटी, चितवनको शक्तिखोर, उदयपुरको मुर्कुची बजार, सुनसरीको धरान, महोत्तरीको गौशाला, धनुषाको तुल्सी, ललितपुरको गोदावरी, म्याग्दीको मुनालगायतका जल मापन केन्द्रमा पनि ठूलो वर्षाको मापन गरिएको छ ।
कोशी, मधेश, बाग्मती र गण्डकी प्रदेशको केही तथा लुम्बिनी, कर्णाली र सुदूरपश्चिम प्रदेशका थोरै ठाउँमा मध्यमदेखि ठूलो वर्षा भइरहेको महाशाखाले जनाएको छ ।
काठमाण्डौ उपत्यकामा पनि गएरातिदेखि नै ठूलो पानी परिरहेको छ । नदी तटिए क्षेत्रमा बसोबास गर्ने मानिसहरुलाई सजतकता अपनाउन महाशाखाले आग्रह गरेको छ ।
