एमाले महाधिवेशन: मनोनीत १०८ प्रतिनिधिको नाम सार्वजनिक (सूचीसहित)

काठमाडौं, २७ मंसिर । नेकपा एमालेले ११औं महाधिवेशनका लागि १ सय ८ जना प्रतिनिधि मनोनीत गरेको छ । शुक्रबार बसेको पार्टी सचिवालय बैठकले प्रतिनिधि मनोनयन गर्ने निर्णय गरेअनुसार आज मनोनीत प्रतिनिधिहरूको नाम सार्वजनिक गरिएको हो ।

सचिवालय बैठकको निर्णयअनुसार महाधिवेशनमा निर्वाचित भएर आउने तथा पदेन आयोजकको हैसियतमा सहभागी हुने प्रतिनिधिको कुल संख्याको ५ प्रतिशत सदस्य मनोनयन गर्ने व्यवस्था गरिएको थियो । सोही प्रावधानअनुसार १०८ जना प्रतिनिधि मनोनीत गरिएको पार्टीले जनाएको छ ।

पार्टी अध्यक्ष केपी शर्मा ओली र वरिष्ठ उपाध्यक्ष ईश्वर पोखरेलको समन्वयमा प्रतिनिधि छनोट गरिएको बताइएको छ । मनोनीत प्रतिनिधिहरूको सूची पार्टीले औपचारिक रूपमा सार्वजनिक गरेको छ ।

एमालेले समावेशी प्रतिनिधित्व सुनिश्चित गर्ने उद्देश्यका साथ विभिन्न क्षेत्र, समुदाय र अनुभव भएका नेताहरूलाई मनोनयन गरिएको जनाएको छ ।