- २६ असार २०८३, शुक्रबार / Jul 10, 2026
भक्तपुर, १६ असार । मध्यपुर ठिमी नगरपालिका–९ स्थित एभरेस्ट पब्लिक एकेडेमीले यस वर्षको एसईई (SEE) परीक्षा उत्तीर्ण गरेका आफ्ना विद्यार्थीहरूलाई सम्मान र बधाईस्वरूप एक विशेष कार्यक्रमको आयोजना गरेको छ। आईतबार सम्पन्न उक्त कार्यक्रममा विद्यालयका ३४ जना विद्यार्थीलाई उत्कृष्ट अंकसहित एसईई परीक्षा उत्तीर्ण गरेकोमा बधाई दिइएको थियो।
विद्यार्थी सुयोग नेपालले यस वर्ष ४.०० जीपीएका साथ उपलब्धि हासिल गरेकाे स्कूलका संस्थापक निर्देशक उमेश सापकोटाले जानकारी दिनुभयाे । परीक्षा नियन्त्रण कार्यालयले सार्वजनिक गरेको विवरणअनुसार यस वर्ष कूल ९७१ जना विद्यार्थीले ४.०० जीपीए प्राप्त गरेका छन्, जसमा भक्तपुर जिल्लाबाट ३० जना रहेका छन्।
अन्य जिल्लाहरूमा काठमाडौंबाट ४१०, ललितपुरबाट १००, रुपन्देहीबाट ८७, कास्कीबाट ६५, चितवनबाट ३७, धनुषाबाट २०, मोरङबाट १८ र कैलालीबाट ७ जना विद्यार्थीले उच्चतम ग्रेड हासिल गरेका छन्।
विद्यालय प्रशासनले विद्यार्थी, अभिभावक, शिक्षक तथा स्टाफप्रति आभार व्यक्त गर्दै भविष्यमा अझ राम्रो शैक्षिक वातावरण निर्माण गर्ने प्रतिबद्धता जनाएको छ।
