भीषण आगलागीबाट उदयपुरमा करोडौंको क्षति

उदयपुर । उदयपुरमा भीषण आगलागी हुँदा करोडौंको क्षति भएको छ । उदयपुरको सदरमुकाम गाईघाटमा आइतबार त्रियुगा नगरपालिका ११ स्थित त्रियुगामा रहेको मोटरसाइकल ग्यारेजबाट आगलागी भएपछि करोडौंको क्षति भएको हो ।

स्थानीय, जनप्रतिनिधि, नेपाल प्रहरी, सशस्त्र प्रहरी र नेपाली सेनाको सहायतामा आगलागी भएको चार घन्टामा आगो नियन्त्रणमा लिइएको थियो । आगलागी हुनासाथ त्रियुगा नगरपालिकाको दमकलले आगो नियन्त्रण गर्न खोजे पनि आगो नियन्त्रणमा नआएपछि रौतामाई गाउपालिका र चौदण्डीगढी नगरपालिकाको दमकलबाट आगो नियन्त्रण गरिएको हो ।