- २५ भाद्र २०८३, बिहीबार / Sep 10, 2026
काठमाडौं । फ्रान्सको पेरिसमा भइरहेको पेरिस ओलम्पिकमा महिला फुटबलतर्फ क्वाटरफाइनल समीकरण पूरा भएको छ । बुधबार राति लिग चरणका खेलहरु सकिएपछि क्वाटरफाइनल पुग्ने ८ वटै टोलीको टुङ्गो लागेको हो । समूह ए बाट फ्रान्स र क्यानडा शीर्ष दुईमा हरँदै क्वाटरफाइनल पुग्दा समूह बी बाट अमेरिका र जर्मनी अन्तिम ८ मा स्थानमा रहे ।
फ्रान्सले अन्तिम खेलमा न्युजिल्याण्डलाई २–० ले तथा क्यानडाले कोलम्बियालाई १–० ले पराजित गर्यो । समूह बीअन्तर्गत अमेरिकाले अष्ट्रेलियालाई २–१ ले तथा जर्मनीले जाम्बियालाई ४–१ ले हरायो । यस्तै समूह सी बाट स्पेन र जापान शीर्ष दुईमा रहँदै क्वाटरफाइनल पुगेका हुन् ।ब्राजिलललाई अन्तिम खेलमा २–० ले पराजित गर्दै स्पेन समूह सी मा सबै तीन खेल जितेर शीर्ष स्थानमा रहेको हो ।
नाइजेरियालाई ३–१ ले हराउँदै जापान समूह उपविजेता बन्यो । तेस्रो हुने मध्येबाट उत्कृष्ट दुईमा रहँदै न्युजिल्याण्ड र कोलम्बिया क्वाटरफाइनलमा गएका छन् । क्वाटरफाइनलमा आयोजक फ्रान्सले ब्राजिलसँग खेल्नेछ भने स्पेनले कोलम्बिया, अमेरिकाले जापान तथा क्यानडाले जर्मनीसँग खेल्नेछ । क्वाटरफाइनल खेलहरु अगष्ट ३ मा हुनेछ । फाइनल खेल अगष्ट १० मा हुनेछ ।
