- २७ असार २०८३, शनिबार / Jul 11, 2026
पोखरा । यही चैत ५ गते पोखराबाट मित्रराष्ट्र चीनको छेन्दुसम्म पहिलो व्यावसायिक चार्टर्ड उडान हुने भएको छ। पोखरा अन्तरराष्ट्रिय विमानस्थलबाट नियमित अन्तरराष्ट्रिय उडानको प्रयास भएको हो ।
पोखराबाट अन्तरराष्ट्रिय विमान उडान गर्नक लागि पटकपटक राज्यका सम्बन्धित उच्च निकायमा ध्यानाकर्षण गरिरहँदा पनि उडान शुरु हुन नसक्दा हामी निजी क्षेत्रका पर्यटन व्यवसायीले नै केही प्रयास गरौँ भनेर पोखरा पर्यटन परिषद्को नेतृत्वमा नेपालस्थित चिनियाँ राजदूतावास र सिचुवान एयरलाइन्ससँगको सहकार्यमा अन्तरराष्ट्रिय उडान गर्न लागिएको जनाइएको छ ।
लामो समयदेखि पोखरेली जनसमुदायको माग तथा सरकारी र निजी क्षेत्रको संयुक्त प्रयासबाट सञ्चालनमा आएको पोखरा अन्तरराष्ट्रिय विमानस्थल उद्घाटन भएको २ वर्षसम्म पनि नियमित अन्तरराष्ट्रिय उडान हुन नसकेको अवस्थामा पहिलोपटक व्यावसायिक चार्टर्ड उडान गर्न लागिएको पोखरा पर्यटन परिषद्ले जनाएको छ ।
शुरुवाती चरणमा केही व्यावसायिक चार्टर्ड उडानबाट शुरु गरेर यसलाई व्यावसायिक उडानमा परिणत गरी नियमित अन्तरराष्ट्रिय उडान गर्न पोखरा पर्यटन परिषद् र समग्र पर्यटन व्यवसायीहरू निरन्तर प्रयासरत रहेको परिषद्ले जनाएको छ।
चीनस्थित चाइना ट्राभल्स इन्टरनेशनल छेन्दुले शुरुआती उडानहरुमा सहकार्य गरिरहेको नेपालस्थत चाइनिज ओभरसिज एसोसिएशनले पनि संयोजनकारी भूमिका निर्वाह गरेको जनाएको छ ।
