वैदेशीक रोजगारमा वेथिति मौलाउँदै , लिथुआनिया पठाउने भन्दै ११ लाखको ठगी

काठमाण्डौ । ११ लाख रुपैयाँ ठगी गरेको अभियोगमा एक जना पक्राउ परेका छन् । वैदेशिक रोजगारमा लिथुआनिया पठाउने भन्दै उक्त रकम ठगी गरेको आरोपमा प्रहरीले एक जनालाई पक्राउ गरी सार्वजनिक गरेको हो ।

बेरोजगार युवायुवतीलाई आकर्षक तलबको प्रलोभनमा पारी लिथुआनिया लैजाने भन्दै लामो समयसम्म झुक्याएर राखि विदेश नपठाई सम्पर्कविहीन भएको पीडितको उजुरीका आधारमा पक्राउ गरेको प्रहरीले जनाएको छ ।

पक्राउ पर्नेमा काठमाण्डौ नागार्जुन नगरपालिका–८ का ३६ वर्षीय समय गौतम रहेका काठमाण्डौ उपत्यका अपराध अनुसन्धान कार्यालयले जनाएको छ ।