- २८ जेष्ठ २०८३, बिहीबार / Jun 11, 2026
काठमाडौँ । प्रहरीको गोली लागेर दुई जनाको मृत्यु भएको छ । ललितपुरको बालकुमारीमा शुक्रबार भएको आन्दोलनका क्रममा गोलिलागेर कर्णाली प्रदेशका सुजन राउतको मृत्यु भएको हो । घाइतेलाई १२ बजेर ४० मिनेटमा किष्टमा ल्याइएको र चिकित्सकहरूले दिउँसो १ बजेर १७ मिनेटमा उनलाई मृत घोषणा गरेको जनाएको छ ।
प्रदर्शन नियन्त्रणमा लिन प्रहरीले अश्रुग्याँस प्रहार गरेको थियो । प्रदर्शनकारीले भौतिक पूर्वाधार तथा यातायात मन्त्री प्रकाश ज्वाला चढ्ने बा २ झ ५८६१ नम्बरको गाडी जलाएका थिए ।बालकुमारीमा भएको आन्दोलनमा प्रहरीले चलाएको गोली लागेको बताइएको छ ।
रोजगार अनुमति प्रणाली (ईपीएस) मार्फत कोरियामा काम गर्न जान खोज्नेहरूले गरेको प्रदर्शन नियन्त्रणमा लिन प्रहरीले गोली चलाएको हो । आगजनीमा संलग्न १० जनालाई प्रहरीले पक्राउ समेत गरेको छ । घटनामा केही आन्दोलनकारी घाइते समेत भएको बताइएको छ ।
यसैगरी कोरिया जानका लागि रोजगार अनुमति प्रणाली (ईपीएस) परीक्षा दिन नपाएपछि युवाले गरेको प्रदर्शनका क्रममा भएको झडपमा अर्का युवकको पनि मृत्यु भएको छ । पाटन अस्पतालमा उपचाररत वीरेन्द्र शाहको पनि मृत्यु भएको प्रहरीले जनाएको छ ।
