- १ कार्तिक २०८३, आईतवार / Oct 18, 2026
काठमाडौं । सुदूरपश्चिम प्रदेशका आर्थिक मामिला राज्यमन्त्री प्रकाश बम सवारी दुर्घटनामा परेका छन् । मन्त्री बम सवार प्रदेश ३–०१–०२४ च नम्बरको मोटर साँझ भारतको पलिया बजार नजिक दुर्घटनामा परेको हो ।
दुर्घटनामा मन्त्रीकी श्रीमती कल्पना बम र सहयोगी पदम देउवा घाइते भएको कैलाली जिल्ला प्रहरी कार्यालयका प्रहरी निरीक्षक दर्शन खड्काले जानकारी दिए ।
घाइतेको धनगढीस्थित निसर्ग अस्पतालमा उपचार भइरहेको छ । राज्यमन्त्रीको अवस्था सामान्य छ । भारतको खिरी जिल्लास्थित पलिया बजारमा किनमेल गरेर फर्किने क्रममा दुर्घटना भएको हो ।
