गाँजा सहित एकजना पक्राउ

रौतहट । गाँजा सहित रौतहट प्रहरीले एक जनालाई पक्राउ गरेको छ । बिशेष सूचनाको आधारमा रौतहट चन्द्रपुर नगरपालिका वडा नं १ नुनथर स्थित शंकास्पद रुपमा सामान सहितको बोरा बोकी सिन्धुली देखी पौराई तर्फ आईरहेको अबस्थामा  लागु औषध गाँजा सहित  चन्द्रनिगाहपुर बस्ने २७ वर्षिय साने भन्ने सन्त तामाङलाई  पक्राउ गरेको हो ।

ईलाका प्रहरी कार्यालय चन्द्रनिगाहपुरको कमाण्डमा खटिएको गस्ती टोलीले शंकास्पद रुपमा हिँडीरहेका तामाङलाई चेकजाँच गर्ने क्रममा बोरा भित्र लुकाई ल्याएको गाँजा १५ केजि ४ सय ग्राम लागु औषध फेला पारेको प्रहरीले जनाएको छ ।

लागु औषध गाँजा  सहित तामाङ बिरुद्ध आवश्यक कारवाहीको लागि ईलाका प्रहरी कार्यालय चन्द्रनिगाहपुर रौतहटमा राखि कसूर गरेकोमा मुद्दा दर्ता गरी थप अनुसन्धान गरिरहेको छ ।