- २६ असार २०८३, शुक्रबार / Jul 10, 2026
गाजास्थित नासर अस्पतालमा इजरायली फौजको आक्रमण।
कुल २० जनाको मृत्यु, जसमा पाँच जना सञ्चारकर्मी समावेश।
मारिएका पत्रकारहरू: रोयटर्स, एनबीसी, एशोसियटेड प्रेस, अलजजिरा।
हमास नियन्त्रण सिभिल डिफेन्सले सर्वसाधारणको पनि मृत्यु भएको दाबी।
आक्रमणपछि अस्पतालबाट उठेको धुवाँ सामाजिक सञ्जालमा भाइरल।
इजरायली फौजले निशानामा नरहेका व्यक्तिको पनि ज्यान गएको हुन सक्ने स्वीकार।
काठमाडौँ, १० भाद्र । गाजास्थित नासर अस्पतालमा इजरायली फौजको आक्रमणमा पाँच जना सञ्चारकर्मीको मृत्यु भएको छ। दक्षिणी गाजास्थित उक्त आक्रमणमा कुल २० जनाको मृत्यु भएको छ भने तीमध्ये पाँच जना सञ्चारकर्मी रहेका छन्।
मारिएका पत्रकारमा अन्तर्राष्ट्रिय समाचार संस्था रोयटर्सका क्यामेरा म्यान, अमेरिकी टेलिभिजन एनबीसी का क्यामेरा म्यान, एशोसियटेड प्रेस, र अलजजिराका संवाददाता तथा क्यामेरा म्यान रहेका छन्।
हमासले नियन्त्रण गरेको सिभिल डिफेन्सले आक्रमणमा इजरायली फौजका कारण सर्वसाधारण पनि मारिएको दाबी गरेको छ। आक्रमणपछि दक्षिणी गाजास्थित मुख्य अस्पतालबाट उठेको धुवाँको दृश्य सामाजिक सञ्जालमा भाइरल बनेको छ।
रक्ताम्य लुगा लगाएका चिकित्सकहरूले मारिएका पत्रकारहरूको अवस्था देखाएको भिडियो समेत सामाजिक सञ्जालमा सार्वजनिक भएको छ। इजरायली फौजले यस क्षेत्रम आक्रमण गरिएको स्वीकार गर्दै निशानामा नरहेका व्यक्तिको पनि ज्यान गएको हुन सक्ने बताएको छ।
