विमानस्थलबाट १४ किलो सुनसहित दुई जना तस्कर पक्राउ

काठमाडौँ । प्रहरीले त्रिभुवन विमानस्थलबाट १४ किलो सुनसहित दुई जना तस्करलाई पक्राउ गरेको छ । फ्लाई दुबईको उडान नम्बर एफजेड ५७३ मार्फत आएका गोरखाका चन्द्र घले र मिन बहादुर घलेलाई बिहीबार राती विमानस्थल भन्सार कार्यालयबाट पक्राउ गरेको हो ।

विमानस्थल प्रमुख डा पाण्डे नेतृत्वको टोलीले मध्यराती विशेष सुराकीका आधारमा खानतलासी गर्दा सुनका बिस्कुटहरू बरामद गरेको हो । घलेसहित संलग्न गोरखाकै मिन बहादुर घलेलाई पक्राउ गरी थप अनुसन्धानका लागि हिरासतमा राखिएको छ ।

चन्द्रले छातीको दायाँ–बायाँ कपडामा बेरेर लुकाई छिपाई ल्याएको सात थान बिस्कुट आकारका १४ किलोग्राम सुन मिन बहादुरको भएको सोधपुछका क्रममा खुलाएको भन्सार कार्यालयले जनाएको छ ।